المشبك: كاسه ونصف سميد وربع كاسة طحين، ومعلقه-صغيرة ممسوحة خميرة فوريه، ومعلقه كبيرة سكر، وكاسه ونصف حليب دافي ومعلقتين زيت وبرش برتقال، خلطتون مع بعض وغطيت العجينة وتركتا شي ساعتين.

العوامه: كاستين طحين وملعقه صغيرة خميرة فوريه ممسوحه مسح، معلقتين كبار بودرة الكسترد او النشاء، معلقتين زيت كبار ومعلقه كبيرة سكر ورشة ملح صغيرة، ومي دافيه حوالي كاسة وربع او نصف حسب ماتلاقو العجينة المهم لا جامده كتير ولاسايله كتير، وغطيتا وتركتا ساعتين كمان.

القلي بكون ع مرحلتين، عقلي العوامة حطيتا بكيس وثقبتو ثقب صغير وضغطت وجهزت مقص نضيف ونزلت مكان القص بالزيت وبلشت اعصر وقص مباشر عالزيت بس ينفخو وبيبضو الكرات برفعن من الزيت هيك لتخلص الكميه.

بعدو منرجع منقلي مرة تاني ليصير لون الكرات أشقر.