كسكس من الشرق الجزائري
الكسكس عملتو في عرضة نسميوها عرضة تاع المسلان من الاضحية تاع عيد الأضحى هاذي من بين عاداتنا ما نعرف اذا كاين لي يديروها ولا لا، وصفة الكمية الكبيرة تختلف عن الكمية القليلة من الكسكس.
كسكس من الشرق الجزائري
الكسكس عملتو في عرضة نسميوها عرضة تاع المسلان من الاضحية تاع عيد الأضحى هاذي من بين عاداتنا ما نعرف اذا كاين لي يديروها ولا لا، وصفة الكمية الكبيرة تختلف عن الكمية القليلة من الكسكس.
الخطوات
- 1
نرحو البصلة، الثوم، الفلفلة و حبة الطماطم مع بعض يخرجلنا صوص هايل ، نحطو شوي زيت فالقدرة الخاصة بالكسكس و نفرغو الصوص لي رحيناه نحطو قطع اللحم و نخلوها تتقلا لمدة نصف ساعة (انا درت كمية كبيرة كانت عرضة تاع مسلان على بيها طولت فالقليان ماء جاني الصوص ولا احلى) من بعد نضيف 3 ملتعق صغيرة توابل و ملعقة فلفل أسود و الملح نخلوهم يتقلاو 5 دقائق و نمرقو بالماء الساخن
- 2
الكسكس: نحطو الكسكس في قصعة، نبسسوه بشوي زيت باش ما يلصقش و تجي كل حبة وحدها، و نرشوه بالماء بالشوية حتى تتضاعف الكمية و نحطوه فالسكاس ونفوروع فوق المرقة لي راهي طيب، بعد ما يتفور نهبطوه و نعاودو نرشوه (نبخوه كيما اي مثل نقولو حنا) بالماه حوالي كاسين و نصف بالنسبة للكيلو الواحد و نملحوه و نحطوه يتشرب و نعاودو نفوروه المرة الثانية
- 3
بعد ما يتفور المرة الثانية نزيد نرشو بالماء بكمية قليلة حوالي كأس حسب الحاجة نحطوه يتشرب و نزيتوه ب3 ملاعق ك زيت و نفورو الرة الثالثة
- 4
بعد ما يتفور المرة الثالثة نهبطوه اذا طاب و جا رطب كيما اي مثل تحبيه صمغية بالمرغرين يجي كل حبة وحدهاو رطب هايل و اذا مازال حرش زيديلو شوي و عاودي فوريه و صمغيه
- 5
نرجعو للمرقة بعد ما يطيب, اي يستوي اللحم صفي المرقة في كسكاس واللحم حطيه في الفرنيتحمر في درجة عالية من الحرارة و في نفس الوقت قطعي الخضرة بالشكل لي تحبي حطيها فالمرقة طيب ولا فوريها و اسلقيها في الماء والملح كيما اي مثل تحبي
- 6
كي يطيب, اي يستوي كلش حطي الكسكس في صحن و زيني بالخضر و الفلفل و الحمص سقي و حطي اللحم و قدمي الطبق و شهية طيبة
وصفات مشابهة
-
-
الكسكس المغربي الكسكس المغربي
الكسكس في المغرب من اكثر الاطباق شعبية فهو رمز للكرم المغربي, حيث ,ويقدم في كثير من المناسبات والاعيادوخاصة الدينية منها, وكوجبة غذاء يوم الجمعة بعد اداء صلاة الجمعة. وهو طبق غني بالمواد الغدائية الضرورية لانه يعد بمجموعة من الخضر واللحوم وسميد القمح, وتتغير طرق اعداده من منطقة الى منطقة . وساقدم اشهر الطرق تداولا بطريقة عصرية لاعداد الكسكس على الميكرويف مع الحفاض على نكهته واسلوبه التقليدي ستعجكم كثيرا انشاء الله
-
-
لبلابي تونسي على يد جزائرية لبلابي تونسي على يد جزائرية
#وصفة تقليدية تونسية
-
دجاج بكورن فليكس دجاج بكورن فليكس
رأيتها في وصفة صديقة وكان عندي فضول اجربها. طلع الطعم لذيذ جدا
-
كسكس الشرق الجزائري كسكس الشرق الجزائري
#الشيف_الذهبي رغم شساعة الجزائر وتنوع ثقافاتها و تضاريسها إلا أن طبق الكسكسي يبقى القسم المشترك في جميع المناطق الجزائرية التي تتفنن في تحضيره بمختلف الطرق و حسب عادات وتقاليد كل منطقة
-
-
-
-
-
وصفات ننصحك بمشاهدتها
التعليقات (14)