एका पातेल्यात अंडी उकडून घ्या. थंड झाल्यावर कवच काढून. मधोमध कापून दोन भाग करा. एका कढईत तेल गरम करून त्यात उभा चिरलेला कांदा लालसर होईपर्यंत परतून घ्या.

आता त्यात लसूण, आले भाजून घ्या. त्यामध्ये नारळाचा चव घालून खरपूस भाजून घ्या.

मिश्रण थंड झाल्यावर मिक्सरमधून बारीक वाटून घ्या. कढई मध्ये तेल गरम करून त्यात उभा चिरलेला कांदा घालून परतावे.

कांदा तांबूस रंगाचा झाल्यावर त्यात मालवणी मसाला घाला. लगेच वाटलेले मिश्रण घाला. गरम मसाला आणि मीठ घालून एक उकळी काढा.

उकळी आल्यावर त्यात कापलेली अंडी सोडा. मंद आचेवर पाच मिनिटे शिजवून घ्या. सर्व्ह करताना वरून कोथिंबीर घाला. खमंग अंडा मसाला खाण्यासाठी तयार!