भेंडी नेहमी सारखी धुवून पुसून फोटो मध्ये दाखविल्या सारखी चिरुन घेणे.

भेंडीत भरण्याच्या मसाल्यासाठी सुके खोबरे आणि तिळ भाजून घेणे.

भाजलेले खोबरे तीळ मिक्सरला वाटून घेणे त्यामध्ये दीड चमचा तिखट, दोन चमचे गोडा मसाला, अर्धा चमचा हळद, शेंगदाणा कूट आणि चव प्रमाणे मीठ घालावे. आवडत असल्यास थोडीशी कोथिंबीर पण घालावी

आता हे सगळे एकसारखे मिक्स करून कोरडे किंव्हा थोडेसे पाणी घालून पेस्ट करून घ्यावी. आणि प्रत्येक भेंडी च्या तुकड्यात भरून घ्यावे

तेलाची जिरे मोहरी हिंग हळद घालून फोडणी करून घेणे. कांदा किंवा टोमॅटो न घालता भरलेली भेंडी डायरेक्ट फोडणीत घालून दोन ते तीन मिनिट परतवून घेणे. कढईवर झाकण ठेवून पाच मिनिट वाफवून घेणे. आता राहिलेला मसाला घालून झाकण न ठेवता भेंडी शिजवून घ्यावी.

भेंडी शिजत आली की एक चमचा चिंच गुळ खजुराचा कोळ भेंडीच्या बाजूने सोडावा आणि एकदा भेंडी परतवून घ्यावी. (साधारण पंधरा मिनिटात पूर्ण भाजी शिजते.)