સૌપ્રથમ આપણે એક પરાત અથવા મોટા વાસણમાં 3 કપ મેંદો લઈશું.

હવે પછી તેમાં 3 ટેબલ ચમચી તેલ ઉમેરી લો.

હવે પછી તેમાં 2 ટી ચમચી મરી પાઉડર ઉમેરી લો.

હવે પછી તેમાં 2 ટી ચમચી હાથ વડે ક્રશ કરી જીરૂ ઉમેરો.

હવે પછી તેમાં સ્વાદ પ્રમાણે મીઠું ઉમેરી દઈશું.

હવે પછી તેમાં 3/4 ટી ચમચી હળદર ઉમેરી લો

ત્યારબાદ લોટમાં જેટલી વસ્તુઓ ઉમેરી છે. તેને બરાબર મિક્સ કરી લેવી.

હવે પછી તે લોટ ની મુઠ્ઠી વળે છે કે નહીં તે ચેક કરી લો અને ન વળે તો તેમાં થોડું તેલ ઉમેરી ચેક કરી લો.

હવે પછી તે લોટના મિકસર માં ધીમે ધીમે પાણી ઉમેરી પુરીના લોટ કરતાં થોડો કડક લોટ બાંધી લો. ત્યારબાદ તેને 15-20 મિનિટ ઢાંકી ને રેસ્ટ કરવા મુકી દો.

હવે પછી રોટલી પર જે મિકસર તૈયાર કરવા નું છે તેના માટે એક બાઉલમાં 3 ટી ચમચી મેંદો લો.

ત્યાર પછી તેમાં 3 ટી ચમચી તેલ ઉમેરી દો.

ત્યારબાદ તેમાં પીન્ચ હળદર ઉમેરી મિક્સ કરી લો.હવે તેને બરાબર મિક્ષ કરી લો.

હવે પછી આપણે જે પુરીનો લોટ બાંધેલો છે તેના એક સરખા ભાગ કરી લઇશું. અને રોટલી ના લુઆ કરીએ એવા લુઆ કરી લઈશું.

હવે પછી તેને આપણે એક સરખી સાઇડથી રોટલી વળી લઈશું અને તેના ઉપર ટી ચમચી ની મદદથી આપણે તૈયાર કરેલું તેલ અને લોટ મિકસર તેના પર બરાબર રીતે લગાવી દેવું.

ત્યારબાદ તેને ધીમે ધીમે રોલ કરી તેના એક સરખા ભાગ કટ કરી લો.અને લુઆ કરી મિડીયમ સાઇઝ ની જાડી પૂરી વળી લો.

ત્યારબાદ તેને એક પ્લાસ્ટિક ની શીટ પર પંખા નીચે 20-25 મિનિટ સુધી સુકાવવા મુકવી.

હવે પછી એક કડાઈમાં તેલ ગરમ કરવા મુકી દો.

હવે પછી તેલ ગરમ થઈ જાય ત્યારબાદ ગેસ ની ફલેમ લો કરી તૈયાર કરેલી પૂરી ને લો ફલેમ પર તળી લો.

ત્યારબાદ તેને ચા કે દૂધ અથવા એમજ સર્વ કરો. તૈયાર છે ફરસી પડ વાળી પૂરી(આ પૂરી ઘઉંના લોટમાંથી પણ બને છે.)