સૌપ્રથમ બધી વસ્તુઓ ભેગી કરી લો. ત્યારબાદ એક કડાઈમાં સિંગદાણાને શેકો. થોડાક સેકાઈ જાય ત્યાર બાદ તેમાં તલ ઉમેરીને શેકો. બંને સરખી રીતે શેકાઈ જાય ત્યારબાદ તેને ઠંડુ કરવા મુકી દો.

ત્યારબાદ એક કડાઈમાં ૧ ચમચી તેલ મૂકો. તેલ ગરમ થઈ જાય ત્યારબાદ તેમાં ડુંગળી, સમારેલા મરચાં, અને આદુ મરચાની પેસ્ટ ઉમેરો. સરખી રીતે સંતળાઈ જાય એટલે તેને ઠંડુ કરવા મુકો.

ઠંડુ થઈ જાય ત્યારબાદ એક મિક્સર જારમાં લઈ તેમાં અડધો કપ પાણી નાખીને પેસ્ટ બનાવી લો. ત્યારબાદ કડાઈમાં ચારથી પાંચ ચમચી તેલ મૂકો અને લીલા મરચા માં ચીરા પાડીને તળી લો.

મરચા તળાઈ જાય એટલે તેને કાઢી લો.ત્યારબાદ તે જ કડાઈમાં રાઈ,જીરુ, અને લીમડાના પાન નાખો.ત્યારબાદ તેમાં લાલ મરચું પાઉડર અને હળદર ઉમેરો મસાલો નાખતી વખતે ગેસ ધીમો રાખવાનો છે. ત્યારબાદ તેમાં તૈયાર કરેલી પેસ્ટ ઉમેરો.

સરખી રીતે મિક્સ કરી લો. ગ્રેવી થોડી થઈ જાય ત્યારબાદ તેમાં ૧ કપ પાણી, સ્વાદ અનુસાર મીઠું,ધાણાજીરું પાઉડર, આમલીનો રસ, અને જીરૂ પાઉડર ઉમેરો. અને સરખી રીતે મિક્સ કરી લો.

ગ્રેવી માંથી તેલ છૂટે ત્યાં સુધી તેને ઉકાળો. ત્યારબાદ તેમાં ટામેટા ના કટકા અને તળેલા મરચા ઉમેરો. અને ધીમે તાપે પાંચ મિનિટ સુધી રહેવા દો.તો તૈયાર છે આપણું મિર્ચી સાલન જેને પરોઠા, બિરયાની કે જીરા રાઈસ સાથે ખાઈ શકાય છે અને ટેસ્ટમાં ખુબ જ સ્પાઇસી અને સરસ લાગે છે.