ஒரு குக்கரில் எண்ணெய்,நெய் ஊற்றி பட்டை,கிராம்பு,ஏலக்காய், பிரியாணி இலை,முந்திரி ஆகியவை நன்கு வதக்கவும்.

நன்கு வதங்கிய பிறகு நறுக்கிய பெரிய வெங்காயம் 2 பச்சை மிளகாய் சேர்த்து நன்கு வதக்கவும். வெங்காயம் சற்று வதங்கிய பின்பு இஞ்சி பூண்டு விழுதை போட்டு பச்சை வாசனை போகும் வரை வதக்கவும்.தக்காளி தேவையான அளவு உப்பு சேர்த்து வதக்கவும்.

தக்காளி நன்கு வதங்கிய பிறகு கொத்தமல்லி புதினா சேர்த்து நன்கு வதக்கவும். இவை நன்கு வதங்கிய பின்பு தயிர் ஊற்றி வதக்கவும்.

பிறகு பிரியாணி மசாலா, கரம் மசாலா சேர்த்து வதக்கவும். வெட்டி வைத்திருக்கும் மஷ்ரூமை போட்டு கிளறவும். தேவையான அளவு தண்ணீர் சேர்த்து கொதிக்கவிடவும்.

தண்ணீர் கொதித்த பிறகு கழுவிய அரிசியை போட்டு 2 விசில் வரும் வரை வைத்திருக்கவும். விசில் இறங்கிய பின்பு எடுத்தால் சுவையான மஷ்ரூம் பிரியாணி தயார்.