પેસ્ટ ના બધા ઘટકો ને એક વાસણ માં લઇ તેમાં 1/2 કપ પાણી નાખી ટામેટાં નરમ થાઈ ત્યાં સુધી રાંધો અને ઠંડુ થઈ જાય એટલે ગ્રાઇન્ડ કરી લો.

કસૂરી મેથી અને ગરમ મસાલો મિક્સ કરી ને રાખો. પનીર ના ટુકડા કરી હૂંફાળા પાણી માં ડૂબાડો. થોડું પનીર ખમણવા માટે રાખવું.

ઘી/ માખણ ગરમ મૂકી તમાલપત્ર મૂકી ડુંગળી નાખો અને સાંતળો. સંતળાઈ જાય એટલે પેસ્ટ ઉમેરો, ભેળવી ને બધા મસાલા પણ નાખો અને તેલ છૂટે ત્યાં સુધી સાંતળો.

એક કપ પાણી નાખી ધીમી આંચ પર થોડી વાર રાખો. મીઠું અને ખાંડ પણ નાખી દો.

ત્યાર બાદ, પનીર, કસુરી મેથી મિક્સ, ખમણેલું પનીર નાખી અને ભેળવી લો. 1 -2 મિનિટ ધીમી આંચ પર રાખો.

આદુ અને કોથમીર થી સજાવી ગરમ ગરમ પીરસો.