மாங்காய் கிடைக்கும் சமயங்களில் மாங்காயை நறுக்கி உப்பு சேர்த்து வெயிலில் காய வைத்துக் கொள்ளவும். இதுவே மாவற்றல் ஆகும். தேவையான போது உபயோகித்து கொள்ளவும்

கடாயில் கால் டீஸ்பூன் எண்ணெய் விட்டு கடலைப்பருப்பு, கொத்தமல்லி விதை, மிளகாய் வற்றல் சேர்த்து வறுத்து கொள்ளவும்

அதை தேங்காய் துருவல், தண்ணீர் சேர்த்து மிக்ஸியில் விழுதாக அரைத்துக் கொள்ளவும்

கடாயில் ஒரு டேபிள் ஸ்பூன் நல்லெண்ணெய் விட்டு காய்ந்ததும் கடுகு,வெந்தயம், கறிவேப்பிலை தாளித்து சின்ன வெங்காயம், தக்காளி,மாவற்றல் சேர்த்து வதக்கவும். மஞ்சள் தூள் மற்றும் உப்பு சேர்த்து கொள்ளவும்

பின் அரைத்த விழுது மற்றும் துவரம் பருப்பு சேர்த்து கொதிக்க வைத்து இறக்கவும்

கொத்தமல்லி தழை சேர்த்து கொள்ளவும். வித்தியாசமான மாவற்றல் சாம்பார் தயார்