தேவையான பொருட்களை எடுத்துக் கொள்ளவும். காய்களையும், தக்காளியை பொடிதாக நறுக்கிக் கொள்ளவும். அரைக்க தேங்காய் துருவல், வரமிளகாய் 3, சீரகம், பொட்டுக்கடலை எடுத்துக்கொள்ளவும். தாளிக்க தேவையானவை தனியாக எடுத்துக்கொள்ளவும்

குக்கரில் துவரம் பருப்பை எடுத்து நன்கு கழுவி அது மூழ்கும் அளவு தண்ணீர் ஊற்றி மஞ்சத்தூள், பெருங்காயத்தூள் சேர்த்து 2 விசில் விடவும்

வேறொரு பாத்திரத்தில் ஒரு கப் தண்ணீர் விட்டு கொதி வந்ததும் நறுக்கிய காயையும், தக்காளியையும் சேர்க்கவும். காய்க்கு மட்டும் சிறிது உப்பு சேர்த்து வேகவிடவும்

அரைக்கக் கொடுத்துள்ளதை தனியே அரைத்து விழுதாக எடுக்கவும். காய் அரைப் பதம் வெந்ததும் சாம்பார் பொடியை சேர்க்கவும்

பிறகு அரைத்த தேங்காய் விழுதையும், புளிக் கரைசலையும் சேர்த்து, ஒரு கப் தண்ணீரை மிக்ஸி ஜாரில் கழுவி காயுடன் ஊற்றவும்

மீண்டும் நன்கு கொதிக்க விடவும். கொதி வந்ததும் அடுப்பை மிதமான தீயில் வைத்து வேக வைத்த துவரம்பருப்பை சேர்க்கவும். நன்கு கிளறி விட்டு 10 நிமிடங்கள் மிதமான தீயில் கொதிக்க விடவும்.

மற்றொரு அடுப்பில் ஒரு கடாயை வைத்து எண்ணெய் ஊற்றி கடுகு, உளுந்து, சீரகம், வெந்தயம் தாளிக்கவும். பிறகு வரமிளகாய், நீளவாக்கில் கீறிய பச்சை மிளகாய், கறிவேப்பிலை சேர்த்து நன்கு வதக்கி, முழு வெங்காயம், பெருங்காயத் தூள் சேர்த்து வதக்கவும்

இப்போது சாம்பார்க்கு தேவையான உப்பை சேர்த்து அதனுடன் தாளிதத்தை சேர்த்து இறுதியாக கொத்தமல்லி தழை தூவி இறக்கவும்