વટાણા ને ધોઈને ૭-૮ કલાક માટે પલાળી ૨ સિટી થાય એટલું કુક કરવું. વટાણા ને વધુ બાફવાના નથી. થોડા આખા રહેવા જોઈએ.

હવે ટામેટા, ડુંગળી, લસણ ની ગ્રેવી બનાવી લેવી.

કડાઈ માં તેલ મૂકી એમાં આખું જીરું, તૈયાર કરેલી ગ્રેવી નાખી ૨-૩ મિનીટ ચડવા દેવું. પછી એમાં વટાણા, બાફીને મેશ કરેલું બટેટું, બધા મસાલા, લીંબુ, જરૂર મુજબ પાણી નાખી નાખી ૫-૭ મિનીટ ઉકાળવું.

હવે છેલ્લે કોથમરી નાખી એને સેવ, પાઉં, લીલી ડુંગળી, લસણ ની તીખી ચટણી જોડે ગરમાગરમ સર્વ કરો.