દાળ પલળી જાય એટલે તેને મિક્સર જાર દહીં, બેસન અને પાણી નાખી દાળ ને પીસી લો.

પીસેલી દાળ બાઉલ મા કાઢી 7-8 કલાક માટે આથો લાવવા ગરમ જગ્યા પર મૂકી દો.

હવે આથો આવી જાય એટલે નાના બાઉલ મા 2 ચમચા ખીરું લઇ તેમા 1/2 ચમચી હળદર, 1/2 ચમચી હિંગ, 1 ચમચી તેલ, 1 ચમચી આદુ મરચા ની પેસ્ટ, સ્વાદ મુજબ પાણી ઉમેરી મિક્સ કરી લો.ત્યાર બાદ તેમા જે માપ થી ખીરું લીધું હોય તેજ માપ થી તેમા પાણી ઉમેરો (2 ચમચા ખીરું અને 2 ચમચા પાણી)મિક્સ કરી તેમા 1 ચમચી ઇનો નાખી મિક્સ કરી લો.

હવે સ્ટીમર મા પાણી ગરમ મૂકી તેમા પ્લેટ પર તેલ લગાવી પ્લેટ ને 5 મિનિટ ઢાંકી ગરમ કરી લો. ત્યાર બાદ તેમા ત્યાર ખીરું ઉમેરી દો. હવે તેને મીડીયમ આંચ પર 15-20 મિનિટ થવા દો.

(200 ગ્રામ દાળ માથી સ્ટીમર ની 2 પ્લેટ લોચો બને છે મેં અહીં ઘટકો મા 2 પ્લેટ ના માપ લખ્યા છે)

લોચા ની ચટણી માટે :-2 નંગ મરચા, અડધો કપ કોથમીર, 2 ચમચી સીંગ ના દાણા, 1/2 લીંબુ નો રસ, 1 ચમચી ખાંડ અને સ્વાદ મુજબ મીઠુ નાખી મિક્સર જાર મા પીસી લો.

લોચા મસાલા માટે :- 1/2ચમચી ચાટ મસાલો, 1/2 ચમચી જીરૂ, 1/2 ચમચી મરી પાઉડર, 1 ચમચી લાલ મરચુ આ બધું બાઉલ મા લઈ મિક્સ કરી લો.