கருவாடை அலசி எடுத்துக் கொள்ளவும். அதில் ஒரு ஸ்பூன் மிளகாய்த்தூள் சிறிதளவு மஞ்சள்தூள் சேர்த்து பிசறி ஊற வைக்கவும்.

பின்பு மண் சட்டி காய்ந்தவுடன் நல்லெண்ணெய் ஊற்றி சோம்பை பொரிய விடவும். பின் நறுக்கிய சின்ன வெங்காயத்தை சேர்க்கவும்.

5 நிமிடம் வதக்கிய பின் நறுக்கிய பச்சை மிளகாய் பூண்டு சேர்த்து கிளறவும். 5 நிமிடம் வதக்கி விடவும். தக்காளி சேர்த்து 10 நிமிடம் வதக்கவும்.

தக்காளி மைய வதங்கிய பின் ஒரு ஸ்பூன் மிளகாய்த்தூள் சேர்க்கவும் சிறிது மஞ்சள் தூளும் சேர்த்து தேவைக்கேற்ப உப்பு சேர்க்கவும். நன்கு பச்சை வாசனை போகும் வரை வதக்கவும். இப்பொழுது ஊறவைத்த கருவாடை சேர்க்கவும்.

கால் டம்ளர் தண்ணீர் சேர்த்து நன்கு கிளறி விடவும். கருவாடு நன்கு வெந்து வரும் வரை வதக்கி விடவும்.