સૌ પ્રથમ પનીર ના ટુકડા કરી તેમાં થોડી હળદર, મરચા પાઉડર, ગરમ મસાલો, મીઠું ઉમેરી બરાબર મિક્સ કરી 20 મિનિટ માટે રહેવા દો.

હવે બધી વસ્તુ લઈ લો. ટામેટાં ની પ્યુરી કરો. ડુંગળી,આદુ,લસણ ને છીણી લો. લવિંગ ઇલાયચી તજ ને અધકચરા વાટી લો. હવે એક કડાઈમાં માં ગેસ પર 2 ચમચા તેલ અને એક ચમચી ઘી ગરમ કરો.

ત્યાર પછી તેમા જીરૂ તેમજ વાટેલા મસાલા ઉમેરો. આ મસાલા ને એક મિનિટ સુધી સાંતળો પછી તેમા ડુંગળી તેમજ આદુ લસણ પણ ઉમેરી બરાબર સાંતળી લો.

બધું બરાબર સંતળાઈ જાય પછી તેમા 1/2 ચમચી ગરમ મસાલો તેમજ 1 ચમચી મરચું પાઉડર થોડું મીઠું અને એક ચમચી બેસન ઉમેરી બરાબર મિક્સ કરો પછી તેમાં સમારેલી કોથમીર અને ટોમેટો પ્યુરી ઉમેરો. પછી બરાબર મિક્સ કરી આ મિશ્રણ ને ઉકળવા દો.

એક બીજી કડાઈ માં ગેસ પર એક ચમચી ઘી ગરમ કરો. પછી તેમા મસાલા ભેળવેલા પનીર ના ટુકડા નાખો તેને સાવ ધીમી આંચ પર થોડી વાર સાંતળો.

પછી આ સાંતળેલા પનીર ને ઉકળતી ગ્રેવી માં ઉમેરી બરાબર મિક્સ કરો. હવે તેમાં એક વાટકી પાણી ઉમેરો. હવે આ સબ્જી ને પાંચ મિનિટ સુધી પાકવા દો. પછી ગેસ બંધ કરો.