ચણા ને ૫-૬ કલાક માટે ગરમ પાણી માં પલાળી રાખી કુકર માં લઇ એમા આંબલી, મીઠું નાખી એને ૩-૪ સિટી કરી બાફી લેવા

હવે ટામેટા ને ગેસ પર શેકી લઇ ઠંડા થાય એટલે એના ટુકડા કરી લેવા. હવે ચણા માં નાખેલી આંબલી કાઢી લઇ ટામેટા જોડે નાખી એને પીસી લેવું.

હવે ડુંગળી ને સમારી એમા આદું, મરચુ, લસણ નાખી એને પીસી લેવું

નોનસ્ટિક કડાઈમાં માં તેલ લઇ એ ગરમ થાય એટલે એમાં જીરું તજ, લવિંગ, તમાલપત્ર, સૂકું લાલ મરચું, નાખી એમાં ડુંગળી ની ગ્રેવી નાખી એને ૪-૫ મિનીટ માટે થોડી બ્રાઉન થાય ત્યાં સુધી કુક કરવું.

હવે એમાં ટામેટા ની ગ્રેવી, હળદર પાઉડર, લાલ મરચું પાઉડર, ધાણા જીરું પાઉડર, ગરમ મસાલો, મીઠું નાખી ૪-૫ મિનીટ માટે તેલ છૂટું પડે ત્યાં સુધી કુક કરવું.

હવે એમાં બાફેલા ચણા, જરૂર મુજબ પાણી (ચણા બાફ્યા હોય એ પાણી પણ લઇ શકાય) નાખી એને ૫-૭ મિનીટ માટે ચડવા દેવું. મીડિયમ થીક ગ્રેવી રાખવી. છેલ્લે કસૂરી મેથી નાખી ૩-૪ મિનીટ ચડવા દેવું.

ભટુરે બનાવવા માટે મેંદો, રવો, મીઠું, તેલ, ખાંડ નાખી મિક્સ કરી સોડા વોટર થી મીડિયમ લોટ બાંધવો

હવે એને ૨૦-૩૦ મિનીટ માટે ઢાંકીને રેસ્ટ આપી એમાંથી મોટા ભટુરે વણી લેવા.

હવે તેલ એકદમ ગરમ કરી લેવું. ધુમાડા નીકળે એટલું ગરમ થાય એટલે એમાં ભટુરે તળી લેવા.