सर्वप्रथम कढईमध्ये तूप टाकून त्यामध्ये खोवा टाकायचा आणि खोवा तपकिरी रंग येईपर्यंत छान परतायचा.

मग पनीर ला किसून घ्यायचं आणि किसलेला पनीर खोव्यामध्ये टाकून छान मिक्स करून परतत राहायच. नंतर पिठीसाखर टाकायची परत छान मिक्स करत राहायचं.पिठी साखर टाकल्यावर दूध टाकायचं म्हणजे पिठीसाखर छान त्या मिश्रणात मिक्स होऊन जाते.

मिश्रण सैल होईल. त्याला परत छान चमच्याने हलवत राहायचं आणि नंतर बेकिंग पावडर टाकायच. बेकिंग पावडर टाकल्यावर मिश्रण दाणेदार व्हायला सुरुवात होईल. ही सगळी प्रक्रिया मध्यम आचेवर करायची.

कढईतलं मिश्रण दाणेदार झाल्यावर घट्टसर होईल म्हणजे चमच्याने ते असं फोल्ड होईल. तेव्हा गॅस बंद करून द्यावा. आता हे मिश्रण बर्फी ट्रेमध्ये फाईलपेपर टाकून सेट करून घ्यावं.

आता या मिश्रणावर बदाम-पिस्त्याचे केलेले काप टाकून चमचाने प्रेस करून घ्यावे.

मिश्रण सेट झालं की त्याच्या चाकूने वड्या कापून घ्याव्यात.

आता आपली दाणेदार डोडा बर्फी खाण्यासाठी रेडी आहे. हिला आपण फ्रिजमध्ये पण स्टोअर करून ठेवू शकतो. तर नक्की करून बघा आणि सांगा कशी झाली ती.