मटकी 8 ते 10 तास पाण्यात भिजत घालावी.त्यात जर कडक मटकी आणि खडे असतील तर ते काढून टाकावे. सुती कपड्यात बांधून मोड आणावेत. कुकरमध्ये मोड आलेली मटकी घ्या. पाणी जरा जास्तच घालायचं ह्यामध्ये पूर्ण मटकीची चव उतरते.मटकीसोबतच बटाटा उकडवून घ्यायचा. पाणी, हळद आणि मीठ घाला.1 शिटी पर्यंत मध्यम आचेवर शिजवा. मटाकीला खूप जास्त शिजवू नका.

कढईत तेल गरम करुन कडीपत्ताआणि हिंग घालून फोडणी करावी. कांदा हलका सोनेरी रंग येईपर्यंत परतवून घ्या.ह्यामध्ये बारीक चिरलेला टोमॅटो घालून तेल सुटेपर्यंत परतवून घ्या.मिश्रण एकजीव झाले की आलेलसूण पेस्ट, कांदालसूण मसाला, घरी बनवलेला मिसळ मसाला, काश्मिरी मिरची पावडर, उकडलेला बटाटा किसून घालून 2 ते 3 मिनिटे मंद आचेवर छान शिजू द्या.शिजवलेली मटकी, उकळलेले पाणी, थोडा गूळ,मीठ गरजेनुसार घालावे. संपूर्ण मिश्रण चांगले एकजीव करून मध्यम आचेवर 10 मिनिटे उकळवून घ्यावे. वरून कोथिंबीर घालावी.

गॅस बंद करा आणि मिसळीचा कट तयार आहे.सर्व्ह करताना एका भांड्यात तळाशी मटाकीचा एक थर घाला. वरून फरसाण पेरून घ्या. कांदा आणि बारीक चिरलेली कोथिंबीर घाला.मिसळ तयार आहे. फरसाण, कांदा, लिंबु पेरून गरमागरम सर्व्ह करा. सोबत पाव आठवणीने द्या.