सर्वात प्रथम बेसन, गरम मसाला, धणेजीरे पूड, हळद, लाल तिखट सर्व मिक्स करून घ्या. टोमॅटो, मिरची, आलं आणि लसूण यांची पेस्ट करून घ्या.

भेंडी धुवून स्वच्छ कपड्याने पुसून घ्या. भेंड्यांचे मोठे तुकडे करा. मग कढईत तेल गरम करून भेंडी शॅलो फ्राय करा. फ्राय करताना त्यावर थोडं मीठ भूरभूरा.

आता पॅनमध्ये तेल गरम करा. तेल गरम झाल्यावर वाटण टाकून चांगले परतून घ्या. तेल सुटायला लागले की मिक्स केलेले मसाले टाकून परता.मग दही घालून मिक्स करा.

आता फ्राय केलेली भेंडी घालून परतून घ्या. दोन मिनिटे झाकण ठेवून शिजवून घ्या. मग झाकण काढल्यावर चवीनुसार मीठ घालून परता. भेंड्यांच्या भाजीमध्ये कधीही सगळ्यात शेवटी मीठ घालावे. नाहीतर भाजी चिकट होते.

भाजीला चांगली उकळी आली की कोथिंबीर घालून गॅस बंद करा. गरम गरम भाजी पोळी किंवा भाकरीबरोबर सर्व्ह करा.