સૌપ્રથમ ચણાની દાળ ને બાઉલમાં કાઢી તેને બે વાર પાણી થી ધોઈ ૨-૩ કલાક ગરમ પાણી માં પલાળી દો.

૨-૩ કલાક બાદ તેને એક મિક્સર જારમાં લઈ તેને પાણી કાઢી ને કણીદાર પેસ્ટ બને એ રીતે ક્રશ કરી લો.

હવે એક પેનમાં તેલ ગરમ કરી તેમાં રાઈ, લીમડો, હિંગ અને હળદર નાખી પછી તેમાં ક્રશ કરેલી પેસ્ટ ઉમેરીને બરાબર હલાવો અને પછી તેને ઢાંકીને ૫ મિનિટ સુધી ચઢવા દો.

હવે તેમાં દૂધ ઉમેરી બરાબર મિકસ કરી ફરી ૫-૭ મિનિટ માટે કુક થવા દો.કૂક થઈ જાય પછી તેમાં ફરી થોડું દૂધ ઉમેરી તેમાં મીઠું, લીંબુનો રસ, ખાંડ, આદું મરચાંની પેસ્ટ, લસણની પેસ્ટ, સોડા બધું ઉમેરી બરાબર મિક્સ કરી ફરી ૫ મીનીટ સુધી કૂક થવા દો.

હવે તેને એક પ્લેટમાં કાઢી સેવ અને લીલા ધાણાથી ગાર્નિશ કરીને સર્વ કરો..