प्रथम लाडूला लागणारे साहित्य जमा करून घेणे.

नंतर घेतलेल्या तुपातील थोडे तूप बाजूला ठेवून थोडे तूप कढई मध्ये घालावे. व ती कढई गॅस वर गरम करण्यास ठेवणे. तूप गरम झाले कि त्यात थोडा थोडा डिंकघालून तो फुले पर्यंत त्या तुपामध्ये तळून घेणे.अशाप्रकारे सगळा डिंक तळून घेणे.

नंतर त्याच कढई मध्ये थोडे तूप घालून काजू, बदाम, पिस्ते 2 - 3 मिनिटे तुपातून थोडे फ्राय करून घेणे.हे सगळे फ्राय झाले कि वेगवेगळे काढून घेणे.

नंतर फ्राय केलेले हे घटक एक एक करून मिक्सर मधून बारीक करून घेणे. बदाम, काजू, पिस्ते, अंजीर आणि खजूर, काळा मनुका सगळे बारीक करून घेणे. व ते सगळे एका खोलगट मोठया बाउल किंवा पातेले मध्ये काढून घेणे.

नंतर तळून घेतलेला डिंक ही मिक्सर मधून बारीक करून घेणे. व तो ही त्या पातेले मध्ये घालावा. व भाजलेले खोबरे हाताने बारीक करून तो ही त्या पातेले मध्ये घालावा. वरून वेलदोडा पूड आणि जायफळ पूड, भाजलेली खसखस पूड घालून ते सर्व घटक हाताने एकत्र करून घेणे.

नंतर हे मिक्स केलेले घटक पुन्हा एकदा थोडे थोडे करून मिक्सर मधून काढून घेणे.मनुके आणि खजूर या मुळे पुन्हा साखर घालायची गरज पडत नाही.जर मिश्रण कोरडे वाटत असेल किंवा त्याचे लाडू करता येत नसेल तर अंदाज घेऊन गरम तूप त्या मध्ये घालावे.नंतर थोडे थोडे मिश्रण हातात घेऊन आपल्या आवडीनुसार लाडू बनवून घेणे.व ते एका प्लेट मध्ये बनवून ठेवावेत.