कणिक, मैदा आणि रवा एकत्र मिसळून घ्या. त्यात ⅛ चमचा मीठ आणि १ मोठा चमचा तूप मिसळा. मग लागेल तसे दूध घालून मऊसर गोळा मळून १० मिनिटे झाकून ठेवा.

कणकेचा गोळा थोडा मळून घ्या. त्याची मोठी आणि पातळ पोळी लाटा. मग पोळीला पातळ तुपाचा हात लावून त्यावर थोडी कणिक भुरभुरून घ्या. आता पोळीचे लांबट तुकडे कापा. एका तुकड्याची गुंडाळी करा. मग ती गुंडाळी दुसऱ्या तुकड्यावर ठेवून त्याची गुंडाळी करा. अश्या सगळ्या तुकड्यांची एक मोठी गुंडाळी होईल. ह्यामुळे पराथ्याचे खूप पदर सुटतात आणि हा खूप छान खुसखशीत आणि flaky होतो.

आता ही गुंडाळी हाताने नीट करून त्याची मोठी पोळी लाटा. त्यावर पातळ तूप लावून घ्या. मग त्यावर अंड्याचे मिश्रण मधोमध ठेवून चारही बाजूंनी पोळीची घडी करा. एकीकडे तवा तापवून घ्या.

अलगद हाताने मुघलई अंडा पराठा तव्यावर ठेवा. उलथन्याने दाबून थोडे थोडे तूप सोडून दोन्हीकडून खरपूस भाजून घ्या.