સૌ પ્રથમ એક કૂકરમાં પાલક, લીલી ડુંગળીના પાન, લીલું લસણ, લીલા વટાણા અને મકાઈના દાણા લો.

સારી રીતે ધોયા પછી તેમાં આદૂ, લીલું મરચું, મીઠું અને ખાંડ ઉમેરો. ૧ ગ્લાસ પાણી નાંખી, કૂકર બંદ કરી, ૨ સીટી થાય ત્યાં સુધી બાફી લો. કૂકર ઠંડું થાય પછી બ્લેન્ડરથી બરાબર પીસી લો.

ત્યારબાદ સૂપ ગાળવાની ગરણી વડે ગાળી લો. પછી એક પેનમાં ઘી ગરમ કરી, જીરૂ નાંખો. જીરૂ તતડે એટલે ગાળેલું મિશ્રણ ઉમેરી દો.

પછી કૂકરમાં ૧/૨ ગ્લાસ પાણી નાંખી, હલાવીને ઉમેરી દો. મરી પાઉડર ઉમેરી મિક્ષ કરી લો.

એક ઉભરો આવે એટલે ગેસ બંદ કરી, લીંબુ નીચોવી મિક્ષ કરી લો.

સૂપ તૈયાર છે. સર્વિંગ બાઉલમાં કાઢી, તળેલી ચોખાની વેફર સાથે ગરમા ગરમ સર્વ કરો.