સૌ પ્રથમ આમળાંને સારી રીતે ધોયને, સ્ટીમરમાં અથવા ઢોકળીયામાં નીચે પાણી લઈ તેના ઉપર કાણાં વાળી પ્લેટ પર આમળા મૂકી, ઢાંકીને વરાળમાં ૫ થી ૭ મિનીટ બાફી લો. બરાબર બફાય ગયા પછી, ચીપિયાથી દબાવીને ઠડીયા કાઢી લો.

ત્યારબાદ એક ડબ્બામાં ખાંડ લઇ તેમાં બાફેલા આમળા નાંખી, મિક્ષ કરી ઢાંકણ બંધ કરી ૫ થી ૭ દિવસ રેહવા દો. દરરોજ દિવસમાં એક વાર ચમચાથી હલાવી લેવું.

૫ દિવસ પછી ચાળણીમાં કાઢી લઇ, ૧ કલાક સુધી ઢાંકીને રેહવા દો, જેથી બરાબર નીતરી જાય. ત્યારબાદ એક પ્લેટમાં ફેલાવી રૂમ ટેમ્પરેચર પર ૩ થી ૪ દિવસ સૂકાવા દો.

બરાબર સુકાઈ ગયા પછી તેમાં દળેલી ખાંડ અને ચાટ મસાલા ઉમેરી મિક્ષ કરી લો.