અમેરિકન મકાઈ ને બાફી લેવી. તેના દાણા કાઢી લેવા. ડુંગળી, કેપ્સીકમ, ગાજરને લાંબા સમારી લેવા. બટેટાને છોલી ને તેની ચિપ્સ પાડવી. પછી બધી તળીને એક બાઉલમાં કાઢી લેવી.

એક કપ જેટલું પાણી ઉમેરી થોડીવાર ઉકાળવા દેવું. હવે તેમાં બે ચમચી ટોમેટો કેચપ ઉમેરો. 1/2ચમચી મરી પાઉડર અને મીઠું નાખી બરાબર હલાવી લેવું. એક વાટકીમાં થોડું પાણી લઈ તેમાં બે ચમચી કોર્નફલોર ઉમેરી બરાબર હલાવી લેવું. આ મિશ્રણ સોસ માં ઉમેરી દેવું. જેથી સોસ ઘટ્ટ બની જશે.

ટીક્કી માટે બટેટાને બાફી લેવા. તેની છાલ ઉતારી માવો કરવો. તેમાં સ્વાદ મુજબ મીઠું લાલ મરચું ટોસ્ટ નો ભૂકો અને થોડું લીંબુ ઉમેરી બરાબર મિક્સ કરી લેવું. મીડીયમ સાઈઝ ની ટીક્કી વાળી ટોસ્ટ ના ભૂકામાં રગદોળી લેવી્. નોનસ્ટિક લોઢી માં થોડું તેલ મૂકી બંને બાજુ શેકી લેવી ્્.

કડાઈમાં ગાજર કેપ્સીકમ અને ડુંગળી સાંતળી લેવા. નોન સ્ટીક તવી પર કોબીજના મોટા પાન રાખી એક બાજુ બાફેલી મકાઈના દાણા, બટેટાની ચિપ્સ, સાંતળેલા ગાજર કેપ્સીકમ અને ડુંગળી ગોઠવવા. એક બાજુ નુડલ્સ મુકવા. ફરતી બાજુ આલુ ટીકી ગોઠવવી. આજુબાજુ થોડું થોડું બટર મૂકો. જેથી ખૂબ જ સરસ સ્મેલ આવે છે. ઉપર ગરમ ગરમ ચાઈનીઝ સોસ નાખો. ઉપર ચીઝ ખમણીને છાંટવું ્્. ગેસ ની ફ્લેમ ધીમી જ રાખવી. ગરમાગરમ સિઝલર સર્વ કરવુ. શિયાળાની ઠંડીમાં ખાવાની ખૂબ જ મજા આવે છે. જોકે મહેનત ઘણી માંગી લે છે.