સર્વ પ્રથમ મેંદા ના લોટ, ઘઉં નો જાડો લોટ લેવો. તેમાં તેલ નું મોણ,મીઠું નાખી પાણી થી લોટ બાંધવો.લોટ ને ૧૫ મિનિટ સુધી રેસ્ટ આપવો.

નૂડલ્સ ને બાફી લેવાં.કોબી,ગાજર,ડુંગળી, કેપ્સિકમ ને લાંબા સુધારી લેવા.

હવે એક કડાઈમાં તેલ મૂકી તેમાં આદુ મરચા લસણ ની પેસ્ટ નાખી સોતરવી.પછી તેમાં ડુંગળી, નાખી સોતારવી પછી તેમાં કોબી,ગાજર,કેપ્સિકમ નાખવા બધું ૨ મિનીટ સુધી થવા દો પછી તેમાં મરી પાઉડર, સોયા સોસ, રેડ ચીલી સોસ, ગ્રીન ચીલી સોસ, ટોમેટો સોસ,મીઠું નાખી મિક્સ કરવું.પછી તેમાં નૂડલ્સ નાખી મિક્સ કરવું.સ્ટફિંગ તૈયાર છે.

હવે લોટ માં થી એક સરખા લુવા કરી લેવા.તેમાં થી એક લુવો લઈ નાની ગોળ વની લેવી એવી રીતે બીજી પણ નાની વણી લેવી.પછી તેના ઉપર ઘી લગાવી લોટ છાંટવો.પછી બીજી વનેલી હોય તે એના ઉપર મૂકી વની લેવી.પછી તેને લોઢી માં ૩૦ સેકંડ જેટલી બંને બાજુ સેકી લેવી.(જે તમે નીચે ફોટા માં જોઈ સકો છો)

આવી રીતે બીજા બધા જ પડ રેડી કરી લેવા.પછી બધા પડ ને જુદા કરી લેવા. એક કપ માં મેંદો લઈ તેમાં પાણી નાખી ઘટ્ટ સ્લરી બનાવી.

હવે એક પડ લઈ તેમાં વચ્ચે સ્ટફિંગ મૂકી સ્લરિ લગાવી રોલ વાડી લેવા.આવી રીતે બધા જ રોલ રેડી કરી લેવા.(નીચે ફોટા માં જોઈ સકો છો કેવી રીતે રોલ વાળવા તે)

હવે તેલ ગરમ મૂકી તેમાં બધા જ રોલ તળી લેવા. વચ્ચે થી કપ પાડી ટોમેટો સોસ અને ખજૂર આમલીની ચટણી સાથે સર્વ કરો. તો રેડી છે સ્પ્રિંગ રોલ.