સોપ્રથમ પીઝા માટે ટોપિંગ તૈયાર કરીશું. તો એક કડાઈમાં 2 ચમચી તેલ અને 1 ચમચી બટર ઉમેરી એમાં લસણ સાંતળી લો. અને થોડું સાંતળેલું બટર એક બાઉલમાં લો. અને બધા જ વેજીટેબલ ને ગાલિૅક બટર માં સેલો ફ્રાય કરી લો. તો પીઝા નું ટોપિંગ તૈયાર છે

હવે આપણે પીઝા નો બેઝ તૈયાર કરીશું. તો એ પહેલાં આપણે કડાઈમાં ને પ્રિહિટ કરવા માટે મૂકીશું. તો એ માટે એક કડાઈમાં મીઠું નાખીને એમાં સ્ટેન્ડ મૂકો અને ઢાંકી દો.

હવે લોટ બાંધવા માટે 1 બાઉલ મેંદો લો. ¼ ચમચી બેંકિંગ સોડા, ½ ચમચી બેકિંગ પાઉડર, સ્વાદ પ્રમાણે મીઠું, ½ ચમચી ખાંડ પાઉડર, ઉમેરી થોડું થોડું દહીં ઉમેરી લોટ બાંધી લો. અને 1 ચમચી તેલ ઉમેરી મસળી લો અને લોટ ઢીલો જ બાંધી લેવો.

હવે જે ગાલિક બટર જે સાઈડમાં રાખ્યું હતું એનાથી પ્લેટ ગ્રીસ કરી લો અને એમાં એક ખુલ્લું લો અને પ્લેટ માં જ હાથથી થેપીને પીઝા નો રોટલો તૈયાર કરો. અને ફોકૅ થી કાંટા કરી લો. અને ઉપર પીઝા નો સોસ ઉમેરી ને પાથરી લો.

ત્યારબાદ ટોપિંગ પાથરી લો અને ઉપરથી ચિલી ફ્લેક્સ, ઓરેગાનો અને મિક્સ હબૅ ઉમેરી લો.

ત્યારબાદ પીઝા ની કિનારીને ગાલિક બટર થી ગ્રીસ કરો અને ઉપર મોઝરેલા ચીઝ ઉમેરી લો. અને પ્રિહિટ થયેલી કઢાઈમાં આ પ્લેટ મૂકી દો. અને ઢાંકી ને 10 થી 15 મિનિટ માટે ધીમી આંચ પર કુક થવા દો.

તો હવે પીઝા તૈયાર છે અને ઉપરથી ચિલી ફ્લેક્સ, ઓરેગાનો, મિક્સ હબૅ અને કેચપ ઉમેરી પીઝા સર્વ કરો.