પાલક દાળ તડકા બનાવવા માટે સૌ પ્રથમ પાલકને ગરમ પાણીમાં ધોઈને સમારી લો. હવે તુવેરની દાળ અને મગની દાળને ૩ વખત પાણીમાં સારી રીતે ધોઈ લો. હવે બન્ને દાળને મિક્સ કરી લો.

હવે કુકરમાં ૪ ચાર સીટી વગાડી ને બાફી લો. હવે એક પેનમાં ઘી ગરમ કરો. ઘી ગરમ થઇ જાય એટલે જીરુ ઉમેરો. જીરું શેકાઈ જાય એટલે લસણ અને લીલા મરચાં ઉમેરો.

લસણ શેકાઈ જાય એટલે ડુંગળી ઉમેરો ડુંગળીને થોડી વાર સેકાવાદો. ડુંગળી શેકાય જાય એટલે ટામેટાં ઉમેરો.ટામેટાને થોડી વાર થવા દો. ટામેટાં શેકાઈ જાય એટલે બધા મસાલા ઉમેરો અને બધું બરાબર મિક્સ કરી લો. હવે સમારેલી પાલક ઉમેરો. પાલકને થોડી વાર ઢાંકી ને ચઢવા દો.

પાલક ચડી જાય એટલે એમાં દાળ ઉમેરો. હવે બધું બરાબર મિક્સ કરી લો. હવે એમાં ૧/૨ કપ પાણી રેડી બધુ બરાબર ફરીથી મિક્સ કરી લો. હવે ગરમ મસાલો, ૨ ચમચી લીંબુનો રસ અને સ્વાદ અનુસાર મીઠું ઉમેરી ને થોડી વાર થવા દો.

આપણી પાલક દાળ તડકા તૈયાર છે. હવે દાળને એક બાઉલમાં કાઢી લો. હવે આપણે એમાં તડકો લગાવીશું. એક પેનમાં ઘી ગરમ કરો. ઘી ગરમ થઇ જાય એટલે જીરું,હિંગ,સૂકું લાલ મરચું અને કાશ્મીરી લાલ મરચું ઉમેરી ને દાળ ઉપર રેડી દો.

આપણી ગરમા ગરમ પાલક દાળ તડકા બનીને તૈયાર છે. આ પાલક દાળ તડકા નાના તથા મોટા બધાને ખૂબ જ પસંદ હોય છે. અને આ દાળ તમે રોટલી, નાન, પરાઠા,ભાખરી અને ભાત સાથે સર્વ કરી શકો છો. અને સ્વાદમાં ખૂબ જ ટેસ્ટી લાગે છે. તો તમે મારી આ રેસીપી ઘરે જરૂર ટ્રાય કરો અને આનંદ માણો.