સૌથી પહેલા સરગવાની શીંગ અને બટાકા ને ધોઈને સમારી લો.બટાકા ને મિડિયમ સાઈઝના કટ કરવાના છે. સરગવાની સિંગને પણ મીડિયમ સાઇઝની રાખવાની છે.જે નીચે બતાવેલ છે.

હવે લસણ ખાંડણીમાં ખાંડી લો. ટામેટાં ને પણ ઝીણા ઝીણા સમારી લો.પછી તેલ ગરમ કરવા માટે મૂકો.તેલ ગરમ થઇ જાય એટલે તેમાં લસણ ઉમેરી દો.

લસણ બ્રાઉન કલરનું થઈ જાય પછી તેમાં સરગવાની શીંગ અને બટાકા ઉમેરી તેને 1 મિનિટ સુધી તેલમાં ગરમ થવા દો.પછી તેમાં બધા મસાલા કરી લો.પહેલા હળદર ઉમેરો.

ધાણાજીરું પાઉડર ઉમેરો.ત્યારબાદ લાલ મરચું ઉમેરો. ત્યારબાદ સ્વાદ મુજબ મીઠું ઉમેરો.બધાયને એકદમ હલાવી લો અને તેલમાં ચડવા દો.

હવે તેલમાં ચડે ત્યાં સુધી આપણે એક લસણની ચટણી તૈયાર કરી લઈએ. ખાંડણીમાં લસણની 3 થી 4 કળી લઈ તેમાં લાલ મરચું ઉમેરો અને બંને ખાંડી લો. એટલે લસણની ચટણી તૈયાર થશે.લાલ મરચું તમે તમારા સ્વાદ પ્રમાણે વધારે કે ઓછું લઈ શકો છો. હવે આ તૈયાર થયેલી ચટણી સબ્જીમાં ઉમેરી દો. તેને હલાવી નાખો. પછી તેમાં ટામેટા ઉમેરી દો.

આ બધું જ બરાબર મિક્સ કરી લો અને 2 મિનિટ સુધી ચડવા દો. પછી તેમાં પાણી ઉમેરો. પાણી તમારે જેટલા પ્રમાણમાં રસો જોઈતો હોય એટલા પ્રમાણમાં જ ઉમેરવું.

આ બધું તૈયાર થઈ જાય પછી કુકર નું ઢાંકણ ઢાંકી દો. પછી 3 સીટી કરી લો. પછી કુકરમાંથી વરાળ નીકળી જાય એટલે કોથમીર ઉમેરીને સર્વિંગ બાઉલમાં સર્વ કરો.ઉપરથી મે લીલી કોથમીર ઉમેરીને ગાર્નિશિંગ કર્યું છે. તેને ખાટી-મીઠી કાચી કેરી અને ગરમાગરમ રોટલી સાથે સર્વ કર્યું છે.