முதலில் சிக்கனை நன்றாக சுத்தம் செய்து வைக்கவும். பிறகு உப்பு, மஞ்சள், மிளகாய், மல்லி, மிளகு தூள்கள் மற்றும் எலுமிச்சை பழச்சாறு சேர்த்து நன்றாக பிரட்டி வைக்கவும்.

மசாலா தூள்களை சேர்த்து பிசைந்து வைத்த சிக்கனை ஒரு மணி நேரம் வரை ஊற விடவும். பிறகு சின்ன வெங்காயம், இஞ்சி, பூண்டு, சோம்பு, சீரகம், தக்காளி, கறிவேப்பிலை சேர்த்து நன்றாக அரைத்து வைக்கவும்.

ஒரு வாணலியில் 5 ஸ்பூன் எண்ணெயை ஊற்றி பிரிஞ்சி இலை, சோம்பு, வெங்காயம், பச்சை மிளகாய், கறிவேப்பிலை, 1 வரமிளகாய் சேர்த்து நன்றாக வதக்கவும். அரைத்து வைத்த மசாலாவை சேர்த்து பச்சை வாசம் போகும் வரை நன்றாக வதக்கி வேக விடவும்.

முதலில் மசாலா தடவி வைத்த சிக்கனை இதில் சேர்த்து நன்றாக 5 நிமிடங்களுக்கு சுருள வதக்கவும். அரை கப் தண்ணீர் சேர்த்து மூடி வைத்து நன்றாக வேக விடவும்.