સૌથી પહેલાં પરવળ ને છોલી ને તેને ચાર ટુકડા માં સમારી લો.

હવે એક કડાઈમાં માં તેલ ગરમ કરો. અને તેમાં પરવળ મીઠું અને હળદર નાખી ને તેને ૮-૧૦ મિનિટ માટે ઢાંકી ને ચઢવા દો. તમે અહી પરવળ ને વધારે તેલ મૂકી ને તળી પણ સકો છો. પણ મેં અહી ઓછું તેલ વાપરી ને તેને ચઢવી લીધા છે.

હવે એ જ કડાઈ માં તેલ ઉમેરો. અને તેમાં જીરૂ ઉમેરો. જીરું તતડે એટલે તેમાં લીલું મરચું, સૂકું મરચું, તમાલ પત્ર, તજ, લવિંગ, નાખીને સાંતળો. ત્યાર બાદ તેમાં આદુ નો ટુકડો છીણી ને તેમાં ટામેટાં ની પ્યુરી નાખીને ૧ મિનિટ સાંતળો.

હવે તેમાં ધાણા જીરું, ગરમ મસાલો, લાલ મરચું, હળદર ને મીઠું નાખી ને ૨ મિનિટ સુધી સાંતળો. ત્યાર બાદ તેમાં કસૂરી મેથી અને થોડું પાણી નાખી ને ૧ મિનિટ ઉકાળો.

હવે તેમાં પરવળ ઉમેરીને તેને ૫ મિનિટ માટે ઢાંકી દો. જેથી મસાલો પરવળ માં ઉતરી જાય. હવે ગેસ બંધ કરી દો.