સૌ પ્રથમ કેરી ને ધોઈને સાફ કરી લેવી. તેની છાલ કાઢી સમારી લેવી. હવે તેનાં કટકા કરી લેવાં. હવે કુકર કે કડાઈ માં પાણી નાંખી તેને નરમ થાય એટલી બાફી લેવી. કુકર માં 2-3 સીટી વગાડવી. તેને ઠંડી થવા દેવી.

ઠંડી પડે એટલે મિક્સર જાર માં નાંખી, તેમાં ફુદીનો નાંખવો.

જીરું, મરી નો પાઉડર, ઈલાયચી ઉમેરવું.

સંચળ, મીઠું નાંખી, થોડાં 2-4 આઈસ ક્યુબ્સ નાંખી પીસી લેવું. અને મોટા ચારણા થી ચાળી લેવું.

તેને કડાઈ માં લઇ તેમાં 1 કપ શક્કર નાંખી ગેસ પર ચડાવી શક્કર ઓગળે ત્યાં સુધી હલાવી લેવું.ચીપચીપુ લાગે એટલે કે એક તાર બને ત્યાં સુધી થવા દેવું. ગેસ પરથી ઉતારી ઠંડુ થવા દેવું.

હવે એક સાફ બરણી માં ભરી લેવું.જયારે પણ સર્વ કરવું હોય ત્યારે ગ્લાસ માં 2-3 આઈસ ક્યુબ્સ નાખવાં. અને 3 મોટી ચમચી કેરી નો પન્નો ઉમેરવો. તેમાં ઠંડુ પાણી ઉમેરી ચમચી થી હલાવી લેવું. અહીં મેં સબ્જા ના બી ને પણ ઉમેર્યા છે. તને એડ કરવું હોય તો કરી શકાય. બસ ગરમી માં ઠંડા ઠંડા કેરી ના પન્ના ને માણો.