ஒரு பாத்திரத்தில் ரவை, தயிர், தேவையான அளவு உப்பு சேர்த்து நன்றாக கலந்து மூடி 15நிமிடம் ஊற விடவும்.

பின்னர் மாவில் பொடியாக நறுக்கிய இஞ்சி மற்றும் கருவேப்பிலை, பெருங்காயத்தூள் சேர்த்து அதனுடன் தேவையான அளவு சிறிது தண்ணீர் சேர்த்து கலந்து கொள்ளவும்.

தற்போது சூடான தோசைக்கல்லில் மாவை ஊற்றவும். தேய்க்க கூடாது. பின்னர் மாவின் மேல் போட்டியாக நறுக்கிய வெங்காயம், தக்காளி, குடை மிளகாய், கொத்த மல்லி தூவவும்.

பின்னர் தோசைக் கரண்டி கொண்டு வெங்காயம் மற்றும் அனைத்தையும் லேசாக அழுத்தி விடவும். அதன் மேல் நெய் அல்லது நல்லெண்ணெய் ஊற்றவும். பின்னர் தோசையை திருப்பி போட்டு வேக விடவும்.

சுவையான ஆனியன் ஊத்தப்பம் தயார். கார சட்னியுடன் பரிமாறவும். விரும்பினால் துருவிய கேரட் சேர்த்து கொள்ளலாம். சூடாக சாப்பிட அருமையான டிபன் தயார்.