#ks7
#कुरडयाच्या चुऱ्याची भाजी
थंडी संपतेन संपते तोच ग्रीष्माची चाहूल लागते. झाडांची पानगळती सुरू होते. हळूहळू नवीन पालवीही फुटू लागते. कोकीळेचे कूंजन सुरू होते. निसर्गातील विविध बदलांसह उन्हाळ्याचे आगमन होते. नको रे देवा हा उन्हाळा, अंगाची अगदी लाही लाही होते असं म्हणतच घरा घरातील सुगरणींची उन्हळ्याच्या कामाला सुरूवात होते.चैत्राचं ऊन वाळवणासाठी उत्तम, म्हणूनच मग लगभग सुरू होते ती कुरडया, विविध प्रकारचे पापड, लोणची, सांडगे असं बरच काही तयार करण्याची......याच अनुषंगाने माझी आईही दरवर्षी हे सर्व पदार्थ उत्साहाने करायची. तेव्हा शेवयाही पाटीवर केल्या जायच्या, त्या ताटात चाळायला आम्हाला मुलांना फार आवडायचे.एकमेकांना मदत करत हसत खेळत ही कामे केली जात. नवीन पदार्थ केले की मग जुने पुन्हा एकदा ऊन देवून भरून ठेवली जात. अशावेळी बऱ्याचदा काढून- घालून कुरडयांचा चुरा व्हायचा, हा चुरा एकत्र करून आई याची खूप छान भाजी करायची. अजूनही त्याची चव जीभेवर रेंगाळते. म्हणूनच मी तुमच्यासाठी आज याच भाजीची रेसिपी घेवून आले आहे......