मटार सोलून धुवून उकडून घेणे. त्या गरम पाण्यात पनीर तुकडे घालून ठेवणे.

पॅनमधे १ टेबलस्पून तेल टाकून कांदा लालसर परतणे. टोमॅटो टाकून शिजेपर्यंत परतणे. नंतर त्यात आलं, लसूण,काजू टाकून वाटणे.

कढईत तेल व बटर टाकून वाटण चांगले परतून घ्यावे. तिखट, गरम मसाला, धणे-जीरे पूड,मीठ टाकून सर्व मसाल्यात परतणे. अर्धा कप पाणी घालून एक उकळी आणावी.

मटर, पनीर घालून हलवून घ्यावे. वरुन लिंबू रस, कसुरी मेथी व कोथिंबीर घालून वाढावे. ग्रेव्ही घट्टसर ठेवावी. हवे असल्यास ताजी थोडी साय फेटून घालावी. मटर पनीर रेस्टॉरंट सारखी तयार.