प्रथम एका कढईत दोन चमचे तेल घातले. तेल गरम झाल्यावर त्यात एक तमालपत्र, एक चमचा जीरे घातले. जीरे तडतडलयावर, मग त्यात दोन कांदे बारीक चिरून घातले, आणि चांगले परतून घेतले.

मग त्यात एक चमचा आले लसूण पेस्ट व तीन टोमॅटो बारीक चिरून घातले. व पाच मिनिटे चांगले परतून घेतले. आणि टोमॅटो स्मॅश करुन घेतले. मग त्यात एक चमचा लाल मिरची पावडर,अर्धा चमचा हळद, एक चमचा धणे पावडर व एक चमचा मीठ घालून छान मिक्स करून परतून घेतले.

नंतर त्यात पाव वाटी काजूची पेस्ट घालून, चांगले मिक्स करून घेतली. मग त्यात एक वाटी शिजवून घेतलेले मक्याचे दाणे घालून चांगले परतून घेतले. व झाकण लावून दहा मिनिटे शिजवून घेतले.

मग त्यात पाव चमचा गरम मसाला, दोन चमचे कोथिंबीर बारीक चिरून घातली.

सर्वात शेवटी सर्व्ह करावी गरमा गरम (मक्याच्या दाण्याची मसाला भाजी), म्हणजेच स्वीट कॉर्न मसाला करी. ही भाजी भाकरी, पोळी व भाता बरोबर सुद्धा खूप सुंदर लागते.