ஒரு அகன்ற வாணலியை சூடாக்கி எண்ணை விட்டு சூடானதும் கடுகு, உளுத்தம்பருப்பு தாளித்து கருவேப்பிலை போட்டு பொரிந்ததும் பொடியாக நறுக்கிய இஞ்சி மற்றும் பூண்டு சேர்த்து வதக்கி வெங்காயம் சேர்த்து நன்கு வதக்கவும்.

வெங்காயம் கண்ணாடி போல ஆனவுடன் தக்காளியை பொடியாக நறுக்கி சேர்த்து அரை டீஸ்பூன் உப்பு சேர்த்து தக்காளி கரையும் வரை வதக்கவும். பின்பு பொடியாக நறுக்கிய பாகற்காயை சேர்த்து நன்கு துவள வதக்கவும்.

பிறகு மிளகாய் பொடி, தனியா பொடி, மஞ்சள் பொடி மற்றும் தேவையான அளவு உப்பு சேர்த்து நன்கு வதக்கவும். ஒரு அரை கப் நீர் விட்டு மூடியிட்டு மிதமான தீயில் 15 நிமிடம் வேக விடவும்.