முதலில் தேவையான பொருட்கள் அனைத்தையும் தயாராக எடுத்து வைத்துக் கொள்ளவும்.எடுத்து வைத்துள்ள சிக்கனை கழுவி சுத்தம் செய்து விட்டு அதில் சிறிதளவு உப்பு மஞ்சள்தூள் அரை டீஸ்பூன் இஞ்சி-பூண்டு விழுது அரை ஸ்பூன் மிளகாய்த்தூள் சேர்த்து மூன்று மணி நேரம் நன்றாக ஊற வைத்து கொள்ளவும். பாஸ்மதி அரிசியை தண்ணீரில் அலசிவிட்டு 20 நிமிடங்கள் ஊற வைத்துபின்னர் ஒரு குக்கரை அடுப்பில் வைத்து நன்றாக காய்ந்ததும் 2 டீஸ்பூன் நெய் 2 டீஸ்பூன் கடலை எண்ணெய் சேர்த்து காய்ந்ததும் எடுத்து வைத்துள்ள பட்டை வகைகளை சேர்த்து பொரியவிடவும்.

பின்னர் நீளவாக்கில் நறுக்கிய பெரிய வெங்காயம் சேர்த்து நன்றாக வதக்கிய பின்னர் ஒரு டீஸ்பூன் இஞ்சி பூண்டு விழுது சேர்த்து நன்றாக பச்சை வாசனை போகும் வரை வதக்கவும். பின்பு நறுக்கிய தக்காளி 2 டீஸ்பூன் தயிர் எடுத்து வைத்துள்ள கொத்தமல்லி புதினா இலைகளை சேர்த்து நன்றாக வதக்கவும். பின்னர் ஊற வைத்துள்ள சிக்கனை சேர்த்து முக்கால் பாகம் வேகும் வரை சிக்கனை நன்றாக வேக விடவும். தேவையான அளவு உப்பு, தண்ணீர் சேர்த்துக் கொள்ளவும்.

நன்றாக ஒரு கொதி வந்ததும் ஊற வைத்த பாஸ்மதி அரிசியை சேர்த்து உப்பு சரிபார்த்து தேவையெனில் சேர்த்துக் கொள்ளவும். நன்றாக கிளறிய பின்பு சிறிதளவு கொத்தமல்லி இலை புதினா தூவி மூடி போட்டு 2 விசில் விட்டு இறக்கவும். விசில் ஆறியவுடன் மூடியை திறந்து மெதுவாக நன்றாக கிளறி விடவும்.

தேவையெனில் ஒரு டீஸ்பூன் நெய் சேர்த்து நன்றாகக் கிளறி பரிமாறவும். இப்பொழுது சுவையான சிக்கன் பிரியாணி தயார். நன்றி. ஹேமலதா கதிர்வேல்.