प्रथम एका काचेच्या बाऊलमध्ये पाऊन कप दूध घेऊन त्यामध्ये एक चमचा व्हाइट व्हिनेगर मिक्स करून पंधरा मिनिटे बाजूला ठेवून देणे.
आता कुकर गरम करण्यास ठेवावे. त्यामध्ये जाळी ठेवावी.

केक करण्यासाठी वापरण्यात येणाऱ्या भांड्याला आतून चांगले साजुक तूप लावून आतमध्ये बटर पेपर लावावा.
पंधरा मिनिटानंतर त्यामध्ये पाऊण वाटी पिठीसाखर अर्धी वाटी साजूक तूप एक चमचा बटर स्कॉच इसेन्स मिक्स करून घ्यावे.
नंतर त्या मिश्रणात दीड वाटी मैदा चार चमचे मिल्क पावडर घालून चांगले फेटून घ्यावे

नंतर त्यात एक चमचा बेकिंग पावडर अर्धा चमचा बेकिंग सोडा घालून मिश्रण परत एकदा चांगले एकजीव करुन घ्यावे

आता तयार मिश्रण केकच्या भांड्यात एक सारखे ओतून सुरुवातीला गरम करण्यासाठी ठेवलेल्या कुकर मध्ये ठेवून त्यावर झाकण ठेवावे.गॅस एकदम बारीक ठेवावा.४५ मिनीटात सुंदर असा केक तयार होतो.

एका नॉनस्टीक पॅनमध्ये साखर टाकून गॅस वर गरम करण्यास ठेवणे साखरेचे कॅरॅमल झाल्यानंतर त्यामध्ये ड्रायफूट चे तुकडे टाकणे आणि ते मिश्रण एका तूप लावलेल्या ताटात ओतूनसगळीकडे व्यवस्थित पसरणे.

थंड झाल्यानंतर त्याचे बारीक पावडर करून घेणे ‌,आता तयार केले मध्यभागी दोन भाग करून घेणे एका भागावर बटरस्कॉच आणि मिल्क पावडरचे मिश्रण व्यवस्थित पसरवून घेणे.

आता त्याच्यावरती ड्रायफूट चिकी चे पावडर टाकने केकच्या दुसऱ्या भागा वरती पण तयार मिश्रण व्यवस्थित पसरून घेऊन तो भाग पहिल्या केकच्या भागावर ते ठेवून केक वरती सगळी कडे पसरवणे

.त्यावर चिकी चे पावडर, गोल्डन मनी, खाण्याचे बटरफ्लाय लावून सुंदर डेकोरेट केले.