सर्व सामग्री एकत्र ठेवावी. खोबरे किसून घ्यावे. आता पॅन मध्ये थोडेसे तूप टाकून ते गरम करावे. त्यातच खजूर टाकून किंचित परतून घ्यावे. डिंक तुपात तळून घ्यावा.

आता त्याच पॅनमध्ये अक्रोड, चारोळी, पिस्ता, किसमिस, थोडे भाजून घ्यावे. त्यातच खोबरे किस ही टाकावा. काजू बदाम जाडसर बारीक करून ते ही तुपात थोडेसे परतून घ्यावे.

तसेच तळलेला डिंक ही टाकावा. आता तुपात परतून घेतलेली सर्व सामग्री, वेलची सोललेली, फूड प्रोसेसर मध्ये बारीक करून घ्यावी.

आता लाडूचे मिश्रण तयार आहे. त्याचे पाहिजे त्या आकाराचे लाडू वळून घ्यावेत.

नंतर एका पॅनमध्ये खसखस टाकून ती किंचित भाजून घ्यावी. आता वळून घेतलेले लाडू, भाजलेल्या खसखस मध्ये घोळवून घ्यावे.

अशा प्रकारे, खसखस मध्ये, घोळलेले, पौष्टिक आणि स्वादिष्ट, डिंक,खजुर, सुकामेवा लाडू, खाण्यासाठी तयार आहे, हिवाळ्यात..