முதலில் 300 கிராம் மைதா மாவை ஒரு பௌலில் போட்டுக் கொள்ளவும்.அதன் பிறகு அதில் இரண்டு ஸ்பூன் கெட்டியான தயிர், கால் ஸ்பூன் உப்பு,கால் ஸ்பூன் குறைவா பேக்கிங் சோடா, இரண்டு ஸ்பூன் நெய் சேர்த்து கைகளால் பிசையாமல் விரல்களால் நன்கு கலந்து கொள்ளவும்

கலந்த பிறகு அதில் இடையிடையே கொஞ்சம் கொஞ்சமாக பால் சேர்த்து பிசைந்து கொள்ளவும்.

பிசைந்த மாவு,சப்பாத்தி மாவு பதத்திற்கு சாப்டாக இல்லாமல் கெட்டியாக பிசைந்து கொள்ளவும். பிசைந்த மாவு பார்ப்பதற்கும் இழுப்பதற்கும் லயேர் லயெராக இருக்க வேண்டும்.படத்தில் உள்ளது போல்.பின்னர் மூடி போட்டு 15 நிமிடம் வைக்கவும்.
குறிப்பு
பாதுஷா மாவின் பதம் எப்படி இருக்க வேண்டும் என்றால் சப்பாத்தி மாவை அழுத்தினால் சாஃப்டாக விரல்கள் உள்ளே போகும் ஆனால் பாதுஷாவின் மாவை அழுத்தினால் ரொம்பவும் அழுத்தம் கொடுத்து அழுத்தினால் மட்டுமே உள்ள போக வேண்டும்.அது மாறி பிசைந்து கொள்ள வேண்டும் படத்தில் காட்டியவாறு

அடுத்து,சர்க்கரை பாகு செய்ய முதலில் ஒரு பாத்திரத்தில் 400 கிராம் சர்க்கரையும் 150 மில்லி தண்ணீர் சேர்த்து கொதிக்கவிடவும்.

சர்க்கரை கரைந்து கொதித்து பிசுபிசுப்பு தன்மை வரும் பொழுது அரை ஸ்பூன் சுக்குப் பொடி ரெண்டு ஏலக்காயின் விதையை சேர்த்து கொள்ளவும்.அதோடு கலர் காக மஞ்சள் நிறத்தை சேர்க்கவும். சேர்த்து பிறகு ஒரு கம்பி பதம் வந்ததும் அடுப்பை அணைத்து எலுமிச்சைச் சாறு பிழிந்து விடவும்.

சர்க்கரைப்பாகு தயாரானவுடன் பிசைந்த மாவை சிறு சிறு உருண்டைகளாக உருட்டி அதை பாதுஷா வடிவில் தயார் செய்து வைத்து கொள்ளவும்.

அடுத்து அடுப்பில் ஒரு கடாயை வைத்து அதில் பொறிப்பதற்கான எண்ணெய் ஊற்றி எண்ணை காய்ந்ததும் பாதுஷா மாவை எண்ணெயில் போட்டு மிதமான தீயில் வைத்து கலர் மாறியதும் பொரித்தெடுக்கவும்.

பொரித்து எடுத்த பிறகு அதை சூடாகவே சர்க்கரைப் பாகில் சேர்க்கவும் மூன்றிலிருந்து நான்கு மணி நேரம் ஊற விடவும்.