सर्वप्रथम चार बटाटे उकडून घ्यावे ते सोलून घ्यावेत. आता मिक्सर मध्ये थोडी कोथिंबीर मिरची आल्याचा तुकडा हे घेऊन मिश्रण एकत्र करावे.

बटाटे स्मॅश करून घ्यावे आणि त्यामध्ये तयार मसाल्याची पेस्ट घालावी सर्व मिश्रण एकत्र करून घ्यावे त्यात थोडे मीठ घालावे हवे असल्यास तिखट जिरेपूड घालू शकता.

पोळीसाठी मळतो तशी कणीक मळून घ्यावी. त्या कणकेचा एक गोळा घेऊन त्यामध्ये साधारण एक-दीड चमचा तयार बटाट्याचे स्टफिंग भरून घ्यावे. आणि पराठा सर्व बाजूने समान लाटून घ्यावा.

तव्यावरती दोन्ही बाजूने छान खरपूस भाजून घ्यावा, तेल वापरू शकता लहान मुलांसाठी करत आहात तर बटर वापरल्यास टेस्ट छान होते. सॉस चटणी किंवा दह्या सोबत सर्व्ह करावा.हेल्दी तर आहेच आणि गरमा गरम खायला छान लागतो...