गॅसवर कढई तापत ठेवा त्यामध्ये १ टेबलस्पून तेल टाकून जीरे, मिरे,लवंग,भेंडी विलायची व विलायची टाकून २-३ मिनिटे हलवून घ्या. नंतर त्यात कट केलेला कांदा ब्राऊन रंगावर होईपर्यंत तळून घ्या. आता टमाटे टाकून परत एकदा हलवून घ्या. लसणाच्या पाकळ्या व आल्याचे तुकडे टाकून पुन्हा ५-७ मिनिटे परतून घ्या आणि मसाला थंड होण्याकरता बाजूला ठेवून द्या.

दुसर्‍या गॅसवर कढईमध्ये १ ग्लास पाणी टाकून १/२ टेबलस्पून मीठ टाकून सोयाबीन टाकून एक उकळी येऊ द्या.गँस बंद करून सोयाबीन पिळून घ्या.

गॅसवर कढई तापत ठेवून त्यात तेल टाका. तेल गरम झालं की त्यामध्ये उकडून घेतलेले सोयाबीन टाकून मंद आचेवर तळून घ्या.

सोयाबीन तळून होत आहे तो पर्यंत थंड झालेला मसाला मिक्सर मधून पाणी न घालता बारीक करून घ्या.

गॅसवर कढई ठेवून त्यामध्ये तेल टाका. तेल गरम झालं की गॅस मंद करून त्यामध्ये हळद व लाल मिरची पावडर टाकून चांगले हलवून त्यात बारीक करून घेतलेला मसाला टाकून परतून घ्या. नंतर त्यात धने पावडर व चवीनुसार मीठ टाकून पुन्हा एकदा परतून त्यात सोयाबीन टाकून चांगले हलवून घ्या व आपल्याला पाहिजे तेवढे पाणी घालून १ उकळी येऊ द्या व गॅस बंद करा.

भाकरीबरोबर सोयाबीन ची भाजी छान लागते. गरम गरम सर्व्ह करा.