सर्वप्रथम उडदाची डाळ मेथी दाणे घालून 5 तास भिजत घालावी

डाळ भिजली की पाणी काढून मिक्सरला वाटून घ्या.वाटून झाली की त्यात मीठ घालून छान फेटून घ्या.

फेटून झाले की कढई मध्ये तेल गरम करून घ्या. मग हातावर पाणी लावून मिश्रणाचा गोल वडा करा आणि मध्यभागी होल करून तेलात मंद आचेवर खमंग तळून घ्या.वडे तयार झालेत.

कूकर ला तुरीची डाळ हळद घालून शिजवून घ्या. नंतर डाळ रवीने छान एकजीव करून घ्या.

एका कढईत तेल गरम करून त्यात मोहरी मेथी दाणे घालून फोडणी करून घ्या.मग त्यात कडीपत्ता,लाल मिरच्या, आलं लसूण मिरची पेस्ट, टोमॅटो,बारीक चिरलेल्या भाज्या घालून परतून घ्या.भाज्या शिजत आल्या की त्यात लाल तिखट, हळद,धने पावडर,सांबार मसाला,चिंच गूळ चटणी आणि चवीनुसार मीठ घालून एकत्र करा नंतर तयार डाळ घालून आवश्यकतेनुसार पाणी घालून छान उकळी येवू दया.वरून कोथिंबीर घालून गॅस बंद करा.

प्लेट मध्ये वडा ठेवून त्यात गरम गरम सांबार घाला आणि वडा सांबार सर्व्ह करा.