प्रथम बासमती पुलाव तांदूळ स्वच्छ दोन-तीन वेळा पाण्याने धुवून साधारण अर्धा तास भिजवून ठेवा. दुसऱ्या बाजूला मटारचे दाणे ही पाण्यामध्ये धुऊन घ्या.

प्रेशर पॅन घेऊन त्यामध्ये तेल घालून खडा मसाल्याची फोडणी करून घ्या. उभा चिरलेला कांदा या तेलामध्ये दोन ते तीन मिनिटात गुलाबी रंगावर परतून घ्या. त्यानंतर भिजवलेला बासमती तांदूळ या तेलात घालून तोही एक दोन मिनिटं परतून घ्या. त्यानंतर मटारचे दाणे घालून तेही एक मिनिट या तेला मध्ये तांदळा बरोबर परतून घ्या.

तांदूळ आधी भिजवलेले असल्यामुळे या पुलावामध्ये पाणी कमी टाका.चवीनुसार मीठ घालून मिश्रणात मिक्स करून हातावर घेऊन पाणी चाखून बघा, म्हणजे मिठाचे प्रमाण व्यवस्थित समजेल. आता या मिश्रणामध्ये एक टिस्पून गरम मसाला घाला, वरतून चिरलेली कोथिंबीर घालून बंद करा आणि एक शिट्टी काढून घ्या किंवा शिटी न लावता साधारण पंधरा ते वीस मिनिटे मंद आचेवर शिजू द्या. नंतर गॅस बंद करून साधारण दहा ते पंधरा मिनिटांनी गरम पुलाव सूप बरोबर सर्व्ह करा.

तुमच्या आवडीचे कोणतेही सूप याबरोबर सर्व्ह करा.आमच्याकडे या पुलाव बरोबर टोमॅटो सूप आवडते...मी तेच केले आहे.