ராகி நூடுல்சை தயாராக எடுத்து வைத்துக் கொள்ளவும். 2 லிட்டர் அளவு தண்ணீரை ஒரு அகலமான பாத்திரத்தில் எடுத்து அடுப்பில் கொதி வர விடவும்

கொதி வந்ததும் நூடுல்சை பிரித்து அதனுள் சேர்த்து மூன்று நிமிடங்கள் வேகவிடவும். பிறகு இதனை தனியே வடிகட்டி சமையல் எண்ணெய் ஒரு டேபிள்ஸ்பூன் சேர்த்து நன்கு கலந்து விடவும்

அடி கனமான கடாயில் 2 டேபிள்ஸ்பூன் எண்ணெய் விட்டு காய்ந்ததும் பொடியாக நறுக்கிய பெரிய வெங்காயத்தை சேர்த்து நன்கு வதக்கி விடவும். பிறகு பொடியாக அரிந்த கேரட், பீன்ஸை சேர்த்து நன்கு கலந்து வதக்கி விடவும்

காய்க்கு தேவைக்கேற்ப உப்பு சேர்த்து நன்கு கலந்து விட்டு வடிகட்டிய நூடுல்ஸை சேர்த்து நன்கு உடையாமல் கிளறிவிடவும்

இப்போது அதனுள் கொடுக்கப்பட்டிருக்கும் டேஸ்ட் மேக்கர் அதாவது மசாலாவை பிரித்து சேர்த்து நன்கு கிளறிவிடவும். இறுதியாக பிரஷ்ஷாக பொடித்த மிளகுத் தூளை சேர்க்கவும்

மிதமான தீயிலேயே மூன்று முதல் ஐந்து நிமிடங்கள் வைத்து நன்கு கிளறி விட்டு அடுப்பை அணைக்கவும்.