સૌ પ્રથમ પાલકને બરાબર ધોઈ, તેના ડંડા કાઢી તેને કપડાં પર પાથરી કોરા કરી લેવા.

હવે બાકી તૈયારીમાં બટાકા અને ડુંગળી બારીક સમારી લેવા. ગળ્યું દહીંની સામગ્રી ભેગી કરી દહીં બનાવી ઠંડુ કરવા મૂકી દો.

ખીરું બનાવવા માટે બેસનને ચાળી લો. હવે તેમાં ચોખાનો લોટ, કોર્નફ્લોર, અજમો, મીઠું,લાલ મરચુ પાઉડર, સોડા તથા જરૂર મુજબ પાણી ઉમેરી ખીરું બનાવી લો. ખીરું બવ જાડું કે બવ પાળતુ ન રાખવું. હવે ખીરાને ૧૦ મિનિટ માટે રેસ્ટ આપો.

હવે એક કડાઈમાં તેલ ગરમ કરવા મૂકો. હવે પાલકના પાન ૧-૧ ખીરામાં ડુબાડીને તેલમાં એકદમ ક્રિસ્પી થાય ત્યાં સુધી તળી લો. મિડીયમ તાપે પકોડા તળવા. બાકી વધેલ ખીરામાંથી કાણાવાળા ઝારા વડે ક્રિસ્પી બુંદી બનાવી લેવી.

હવે સર્વ કરતી વખતે સર્વિંગ પ્લેટમાં પહેલા બનાવેલ પાલકના પકોડા મૂકો. હવે ઉપર કોથમીર ફુદીનાની ચટણી, ગોળ આમલીની ચટણી, ગળ્યું દહીં ૧-૧ ચમચી પાથરો. હવે ઉપર સમારેલ બટાકા અને ડુંગળી પાથરો. હવે તેની ઉપર લાલ મરચું પાઉડર અને ચાટ મસાલો sprinkle કરો. આ પ્રક્રિયા બે વાર કરો.

હવે છેલ્લે ઉપર ગાજરનું છીણ, બનાવેલ બુંદી, કોથમીર, લાલ મરચું પાઉડર અને ચાટ મસાલો sprinkle કરી તેને સર્વ કરો.