कोरला ची पुढची कोवळी पाने त्याच्या छोट्या देठासहित काढून घ्या. मिठाच्या पाण्यात अर्धा तास घालून ठेवा म्हणजे त्यावर काही कीड किंवा माती असेल ती निघून जाईल. मग ४-५ वेळा पाण्यातून कडून चाळणीवर ठेवा. ही भाजी चिरून घ्या.

कढईत तेलात जीरे, लसूण पाकळ्या, हिरव्या मिरच्या, कांदा, परतून घ्या. हळद, तिखट घालून त्यावर चिरलेली भाजी घाला. एकजीव करा.

थोडा पाण्याचा हबका मारा. चिंचेचा कोळ घालुन झाकण ठेवून वाफेवर शिजवा. शिजल्यावर ओलं खोबरं टाका.

तयार आहे कोरल्याची भाजी. ही भाजी भाकरीबरोबर अप्रतिम लागते.