સૌ પ્રથમ કોફતાનું સ્ટફિંગ બનાવવા માટે કાજુ, બદામ ને ૧-૨ મીનીટ સુધી કડાઈમાં શેકી લો.
ઠણ્ડા થાય એટલે ટુકડા કરી લ્યો,
બટાકા બાફી,છાલ કાઢી ખમણી લ્યો,
મખાના ને ૧ મિનિટ માટે સેકી,ઠણ્ડા થાય એટલે ક્રશ કરી પાઉડર બનાવી લ્યો.

હવે પનીરને અને બટાકા ને એક મોટી પ્લેટમાં લઇ તેમાં ૧ અથવા ૧૧/૨ ચમચી કોર્નસ્ટાર્ચ ઉમેરી બન્નેને હાથ વડે મેશ કરી લો.
હવે તેમાં ૧/૮ ચમચી જેટલો મરી પાઉડર, થોડું મીઠું અને ચપટી ઇલાયચી પાઉડર નાંખી ફરીથી તેને મેશ કરી લો. હવે આ પનીરમાંથી સરખી સાઈઝના બોલ્સ બનાવી લો. દરેક બોલ્સને હાથ વડે દબાવી પૂરી બનાવી લો.

હવે તેમાં શેકેલ બદામ, કાજુ અને કીસમીસ નાંખી તેને કવર કરી લો. આ રીતે બધાજ કોફતા બનાવી લો. હવે કડાઈમાં તેલ ગરમ થવા મૂકી દો. દરેક કોફતાને કોર્નસ્ટાર્ચમાં રગદોળી, વધારાનો કોર્ન સ્ટાર્ચ કાઢી લો.
હવે જયારે તેલ ગરમ થઇ જાય ત્યારે આ કોફતાને લાઈટ ગોલ્ડન બ્રાઉન થાય ત્યાં સુધી તળી લો. કોફતાને તળતી વખતે હલાવતા રહો જેથી તે બળે નહી. હવે બધાજ કોફતાને એક પ્લેટમાં કાઢી લો અને એકબાજુ મૂકી દો.

કાજુની પેસ્ટ માટે કાજુ ને ધોઈ ૧ કલાક પલાળી લઇ થોડા પાણી માં બાફી લેવા,
મીક્ષીમાં કાજુ અને મગજતરીના બીજ ક્રશ કરી પેસ્ટ બનાવી લેવી,
એક નોન સ્ટીકમાં ઘી અને માખણ મૂકી એક તમાલપત્ર,બે ઇલાયચી,એક લાલ સૂકું મરચું નાખી સાંતળવું,
ત્યાર બાદ કાજુની પેસ્ટ નાંખી થોડી મિનીટ સુધી પકાઓ. જયારે કાજુની પેસ્ટ પાકી જાય અને તે તેલ છોડવા લાગે ત્યારે તેમાં ક્રીમ ઉમેરી મિક્ષ કરી લો.

હવે તેમાં દૂધ અને મખાના પાઉડર નાંખી મિક્ષ કરી લો. હવે તેમાં જાયફળ પાઉડર ઉમેરો. હવે તેમાં ખાંડ ઉમેરી થોડી મીનીટો સુધી ઉકળવા દ્યો.
જયારે ગ્રેવી ઉકળવા લાગે ત્યારે ગેસ બંધ કરી દો અને તેમાંચપટી મીઠું ઉમેરી તેને સર્વિંગ બાઉલમાં લઇ લો. હવે ગ્રેવીમાં કોફતાને મૂકી, કાજુ,બદામ, કીસમીસ અને ઇલાયચી પાઉડર વડે સજાવી મલાઈ કોફતા સર્વ કરો.