प्रथम खवा व मैदा एकत्रित घेऊन त्यात सोडा घालून कणिक छान मळून घ्या,मग त्यातला 1/3 कणीक बाजुला काढून त्यात काजू/बदाम/पिस्ता चे काप व केशर काड्या 2 चमचे दुधात घालुन त्यात मिसळून ते कणीक गोळा मळून घ्या,केशर मुळे त्या कणकेला केशरी रंग येईल

मग साध्या कणकेचे छोटे-छोटे गोळे बनवून घ्या एक गोळा हातात घेऊन त्याची चपटी पारी बनवून रंगीत कणकेच्या गोळ्यातील छोटा गोळा त्यावर ठेवून स्टफिग भरून गोळा पूर्ण बंद करून घेवून त्याला लंब गोल आकार देऊन घ्या,अश्याप्रकारे सर्व गुलाबजाम बनवून घ्या,मग एक भांड्यात साखर घेऊन साखर बुडेल इतकेच पाणी घालून घ्या व ते गॅसवर गरम करायला ठेवा,साखर विरघळून त्याला उकळी येवून चिकटपणा आला की गॅस बंद करा मग त्यात वेलचीपूड घाला व हलवा मग तयार झाला आपला गुलाबजाम साठी साखरेचा पाक

गॅसवर कढई ठेवून त्यात तूप/तेल गरम झाले की त्यात आपण बनवलेले गुलाबजाम खरपूस तळून घ्या,व मग तळलेले गुलाबजाम पाकात सोडा व त्यात साखरेचा पाक मुरू द्या,मग तयार झाले आपले काला जामुन.