सर्व प्रथम भेंडी छान छोट्या छोट्या आकाराच्या निवडून घ्या. पाण्याने स्वच्छ धुवून आणि नंतर पुसून घ्या. मध्ये एक काप द्या. अशाप्रकारे सर्व भेंड्या चीरून घ्या. आता चिरलेल्या भेंडी मध्ये हळद आणि मीठ घालुन मिक्स करून 10 मिनिटे बाजुला ठेवा.

तोपर्यंत मिक्सर च्या पॉट मध्ये टोमॅटो, अद्रक आणि मिरचीची पेस्ट बनवून घ्या. एका वाटी मध्ये बेसन, तिखट, हळद, धणे पूड आणि चवीनुसार मीठ घालून पाणी घालून मिक्स करून घ्या.

आता कढईत तेल तापवून घ्या. त्यात हळद आणि मीठ घालुन ठेवलेली भेंडी 5 ते 6 मिनिट शिजवून घ्या. त्यानंतर शिजलेली भेंडी एका ताटात बाजुला काढून ठेवा.

आता त्याच तेलात भिजवून ठेवलेले बेसन घालून 1 मिनिट परतून घ्या. टोमॅटो ची पेस्ट घालून मिक्स करून घ्या. तेल सुटे पर्यंत परतून घ्या. आता दही घालून पुन्हा 1 मिनिट परतून घ्या.

आता शिजलेली भेंडी मिक्स करून 1 मिनिट झाकून ठेवा. 1 मिनिटांनी गॅस बंद करा.

गरमागरम ढाबा स्टाईल मसाला भेंडी पोळी किंवा पराठा सोबत सर्व्ह करा.